Adobe Photoshop Kiya Hai – Urdu Hindi

adobe photoshop tutorials in urdu hindi

Adobe Photoshop Kiya Hai – Urdu Hindi

Aaj hum aap ko batate hain ke Adobe Photoshop kiya hai – Urdu Hindi. Yeh Adobe Photoshop ek intahai mashhoor software application hai. Jis ka naam taqreeban har kisi ne sunn rakha hai. Isse buniyaadi tor per Bitmap ya Raster Images ke liye istamaal kiya jata hai. Agarcha iss main Vector Graphics bhi Edit kiye ja sakte hain.

Bitmap and Raster Graphics Kiya Hote Hain

Woh insaan jinhien in dono iqsaam ke Graphics ka farq nahin pata. Inhien ye batate chalien ke Bitmap ya Raster Graphics pixels ka majmua hote hain. In ki puri buniyaad pixels per khari hoti hai. Lahaza in ki Resolution bhi fix hoti hai. Agar aap Bitmap ko bohut zoom ker ke dekhien. To aap iss ke pixels wazya tor per ek dusre se alag thalag dekh sakte hain. Iss ke muqable main Vector Graphics ki Buniyaad pixels nahin hoti. Balke yeh bohut cchote cchote ashkaal se mil ker banti hain. Jinhien Riyazayaati Masaawaaton ke ziriye define kiya gaya hota hai/

Vector Graphics Kiya Hote Hain

Vector Graphics ki Resolution Independent hoti hain. Ek vector graphics ko app jitna chahien bara ya cchota ker sakte hain. Iss ki quality per koi asar nahin perta. In Vector graphics banane ke liye Adobe illastrator bohut zayada istamaal kiya jata hai. Iss Adobe Photoshop ke Tutorials ke baad hum aap ko Adobe illustrator ke baare main bhi batayien ge. Aur iss ko istamaal kerne ka tareeqa bhi bataayien ge. Issliye aap hamari iss website ko bookmark ker lien aur waqtann faqtann check kerte rahien.

Baharhaal hum apne topic Adobe Photoshop per wapis aate hain. Adobe Photoshop ka shru main naam Display tha. Aur yeh graphics editing software nahin balke Monochrome Monitor per Grey Scale tasaveer display kerne ke liye tha.

History of Photoshop

1987 main University of Michigan main PhD ka ek student tha. Jis ka naam Thomas Knoll hai. Thomas Knoll ne jana ke Mac Plus jo Macintosh ka teesra (3rd) computer tha. Grey Scale tasaveer Monochrome ya Black & White monitor per display nahin ker sakta. Iss masle ke hal ke liye Thomas ne Program likhna shru ker diya. Baad main iss kaam main iss ke bhai John Knoll bhi shamil ho gaye. Jinhoon ne mashwara diya ke iss program ko makamal photo editing software main badal diya jaye. Phir iss ka naam change ker ke Display se Image Pro rakh diya gaya. Yeh Image Pro uss zamane main tasaveer display kerne ke liye kayi Advance Features ka hamil tha.

Kuch arse baad dono bhaiyon ne iss program ko Tajarti tor per sale kerne ka faisla kiya. Issliye iss ka naam change ker ke Photoshop rakh diya gaya. Dono bhaiyon ne apne software ke haqooq ki faroht ke liye kayi companies se rabta kiya. Lekin koi bhi company iss waqt Photoshop ko khareedne ke liye tayaar na thi. Akhir kaar ek Adobe Company iss ko khareedne ke liye tayaar ho gayi. Phir September 1988 main dono bhaiyon aur Adobe Company ke darmayaan ek muhaida hua. Jis ke tehat Photoshop ki retail faroht ke ikhtayaraat Adobe Company ke paas aa gaye. Dono bhaiyon ne Adobe ki madad se 1990 main apne Photoshop ka pehla version 1.0 release kiya.

Adobe Photoshop Version 1.0

adobe photoshop tutorials in urdu hindi

Iss version ko chalne ke liye 8 Mega Hertz ke Processor aur 2 Mega Bytes ki Ram ki zaroorat thi. Iss ke saath ek dilchasp baat yeh hai ke jo tools hum photshop main aaj kal dekhte hain. Woh iss ke pehle version main bhi mojood the aur in ke Icons ki shakalien bhi aisi thien. Pehle version main color correction, color balance, Hue, Saturation, Curves aur Levels bhi mojood the. Kuch arse pehle Adobe ne iss version ka Source Code Internet per release kiya hai.

Adobe Photoshop ek intahai taqatwar software hai. Jis main bohut se features mojood hain. Jin ki madad se hum zabardast Graphics tayaar ker sakte hain. Ghuzishta bohut saalon se Photoshop graphics ki duniya per cchaya hua hai. Ye tha hamara aaj ka topic Adobe Photoshop Kiya Hai – Urdu Hindi jo yahan khatam hua.

 

Next Post main hum aap ko Adobe Photoshop ke tools ke baare main bataayien ge. Ke in ka kiya kiya kaam hai kyun ke in ko istamaal kerne se pehle ye janana zaroori hai. Sab ke baare main jab pata chal jaye ga to tab hi aap in ka sahi istamaal ker sakien ge. Adobe Photoshop Kiya Hai – Urdu Hindi.